Plantun de Prouvènço

Pèr coumpara dos planto d'encò nostre

Trifolium rubens & Cerastium fontanum

Trifolium rubens

Fabaceae Leguminosae

Noms en français : Trèfle pourpré, Trèfle rougeâtre.

Descripcioun :
Aquéu tréule trachis dins li relarg umide de colo e de basso mountagno. Es uno planto bèn drecho emé gaire de péu, aleva dins l'enflourejado. Li flour soun pourtado sus un long pecou de 4(7) cm. Se recounèis majamen à si fueioun que porton de costo courbo e à si lònguis estipulo (fotò).

Usanço :
Li tréule soun bon pèr li bèsti, mai cadun saup que se n'en manjon de trop gounflon. La maje-part di trignoulet soun esta manja pèr l'ome dóu tèms di carestié. Lis enfant podon suça li flour sucrado. Li grano soun bono greiado.

Port : Erbo
Taio : 20 à 70 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Trifolium
Famiho : Fabaceae
Famiho classico : Leguminosae

Ordre : Fabales

Coulour de la flour : Roujo
Petalo : irreguliero
Ø (o loungour) enflourejado : 2,5 à 8 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Pelouso - Óuriero de bos - Colo - Basso mountagno
Estànci : Subremediterran à Mountagnard
Couroulougi : Éuropenco-Cèntre
Ref. sc. : Trifolium rubens L., 1753

Ceraiste(-di-font)

Cerastium fontanum

Caryophyllaceae

Nom en français : Céraiste des fontaines.

Descripcioun :
Es uno planto pelouso emé de long entre-nous. Li fueio soun bèn verdo, pulèu larjo e pelouso peréu. Pòu viéure uno annado, dos o mai. Li petalo soun gaire mai long que li sepalo, aquésti soun bourda d'uno membrano que laisso passa lou lume. Coumpara emé lis àutri ceraiste pelous pèr pas s'engana. I'a uno souleto subsp. encò nostre : la subsp. vulgare.

Usanço :
Li jóuini fueio soun manjadisso, mai couneissèn pas d'usanço particuliero au nostre. Lis indian Chirokee emplegavon uno tisano de tijo e racino contro li vèrme.